அப்துல் பாரி வழங்கிய அன்னதான பொருட்கள். மகா மகத்திற்கு..



கும்பகோணத்தில் மகா மகத்தை முன்னிட்டு அன்னதானம் வழங்குவதற்காக முஸ்லிம் மதத்தை சேர்ந்த அப்துல் பாரி 1,100 மூட்டை அரிசியும், 1 லட்சம் தண்ணீர் பாட்டிலும் நேற்று வழங்கினார்.

கும்பகோணத்தில் மகா மக பெருவிழா வருகிற 13ம்தேதி முதல் 22ம்தேதி வரை நடைபெறுகிறது.
அதனை முன்னிட்டு பல்வேறு அமைப்பினரும், மகா மகத்திற்கு வரும் பக்தர்களுக்கு அன்னதானம் வழங்கவுள்ளனர். அதற்காக அன்னதானம் வழங்குபவர்களுக்கு உணவுப் பொருட்கள் வழங்கும் விழா நடை பெற்றது.

நிகழ்ச்சிக்கு தமாகா மாநில செயற்குழு உறுப்பினர் ஜி.ஆர்.மூப்பனார் தலைமை வகித்தார். மாவட்ட தலைவர் ராம் குமார் வரவேற்றார். மாநில செயற் குழு உறுப்பினர் சந்திர சேகர மூப்பனார் முன்னிலை வகித்தார்.

விழாவில் முஸ்லிம் மதத்தை சேர்ந்த கும்பகோணம் ஒயிட் ஹவுஸ் உரிமையாளர் அப்துல் பாரி வழங்கிய 1,100 அரிசி மூட்டைகளையும், 1 லட்சம் தண்ணீர் (அரை லிட்டர்) பாட்டில்களையும் மாநில செயற்குழு உறுப்பினர் ஜிஆர்.மூப்பனார் மகா மகத் தின் போது அன்னதானம் வழங்கவுள்ள பல் வேறு அமைப்பினருக்கும் பிரித்து வழங்கினார்.

இதில்ம பிராமணர் சங்கத்திற்கு 500 மூட்டை அரிசி, 10 ஆயிரம் தண்ணீர் பாட்டில், இஸ்கான் அமைப்பிற்கு 300 மூட்டை அரிசி, 50 ஆயிரம் தண்ணீர் பாட்டில், ரோட்டரி சங்கத்திற்கு 200 மூட்டை அரிசி, 10 ஆயிரம் தண்ணீர் பாட்டில், தேப்பெருமா நல்லூர் சிவன் கோயில் அன்னதான கமிட்டிக்கு 10 ஆயிரம் தண்ணீர் பாட்டில், அகில பாரத துறவியர்கள் மாநாட்டிற்கு 5 ஆயிரம் தண்ணீர் பாட்டில், குடந்தை ஜவுளி சங்கத்தினருக்கு 5 ஆயிரம் தண்ணீர் பாட்டில், காவல் துறைக்கு 100 அரிசி மூட்டைகள் உள்பட பல் வேறு அமைப்பினருக்கு மொத்தம் 1100 மூட்டை அரிசியும், 1 லட்சம் தண்ணீர் பாட்டில்களும் மகா மகத்தின் போது அன்னதானம் வழங்குபவர்களிடம் வழங்கப் பட்டது.

இந்த விழாவில் நகர தலைவர் சங்கர், மாநில செயலா ளர் அசோக் குமார், மாநில இணை செயலாளர் சாதிக் அலி ஆகியோர் கலந்து கொண்டனர்.
Share on Google Plus

0 comments:

Post a Comment

வாசகர்களுக்கு ஓர் வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது எவருடைய மனதையும் புண்படுத்தாத வகையில் நாகரிகமான முறையில் உங்கள் கருத்துகள் இருக்க வேண்டும்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம் ஆனால் தனிப்பட்ட முறையில் எவரையும் விமர்சிக்காமல் கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும் அல்லது முற்றிலுமாக நிராகரிக்கப்படும்.