பிறந்து 10 நாளே ஆன குழந்தையை ஓ.எல்.எக்ஸ். மூலம் விற்க முயன்ற தந்தை: போலீசில் சிக்கியதும் ஜோக் என்கிறார்



தென்கிழக்கு பிரேசிலில் உள்ள பேலோ ஹரிசான்டி நகரை சேர்ந்தவர் அபிமாயல் கோஸ்டா. இவர் 3 குழந்தைகளுக்கு தந்தையாவார். இவர் மனைவி பியாமா அபரேசிடாவுக்கு கடந்த சில நாட்களுக்கு முன் ஆண் குழந்தை பிறந்தது. இந்த நிலையில் பிறந்து 10 நாட்கள் ஆன அந்த குழந்தையை விற்பதற்கு ஓ.எல்.எக்ஸ். விளம்பர பக்கத்தில் விளம்பரம் கொடுத்துள்ளார் கோஸ்டா.

அந்த பக்கத்தில் குழந்தையின் படத்தை போட்டு அதில், ‘நான் எனது 10 நாட்களே ஆன ஆண் குழந்தையை விற்பனை செய்கிறேன்.  குழந்தை ஆரோக்கியத்துடன் உள்ளது’ என கூறி இருந்தார்.

இது ஒரு அசத்தும் முதலீடு, விலை குறித்து பேசி முடிவு செய்து கொள்ளலாம் என்றும் கூறியிருந்தார். இது குறித்து போலீசாருக்கு பலர் தகவல் தெரிவித்தனர். உடனடியாக போலீசார் அவரை கண்டுபிடித்து விசாரித்தனர். முதலில் மறுத்த கோஸ்டா பின்னர் தனது குற்றத்தை ஒப்புக்கொண்டார். ஆனால், இதனை வேடிக்கையாக செய்ததாக கூறி சமாளித்துள்ளார். இதை தொடர்ந்து போலீசார் அவரை கைது செய்தனர்.

இது குறித்து குழந்தையின் தாயார் பியாமா கூறும்போது, ‘இதைக் கேட்டதும் நான் அதிர்ச்சி அடைந்தேன். என்ன காரணத்திற்காக அவர் இதை செய்தார் என்று எனக்கு தெரியவில்லை’ என கூறினார்.
Share on Google Plus

0 comments:

Post a Comment

வாசகர்களுக்கு ஓர் வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது எவருடைய மனதையும் புண்படுத்தாத வகையில் நாகரிகமான முறையில் உங்கள் கருத்துகள் இருக்க வேண்டும்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம் ஆனால் தனிப்பட்ட முறையில் எவரையும் விமர்சிக்காமல் கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும் அல்லது முற்றிலுமாக நிராகரிக்கப்படும்.