காஷ்மிரில் ஏழை குடும்பத்தில் பிறந்து ஐ.ஏ.எஸ் ஆன சௌகத் அஹமது



காஷ்மீர் இளைஞர் ஒருவர் இளம் வயதில் ஐ.ஏ.எஸ் தேர்வில் தேர்ச்சி பெற்று தனது சேவையால் மக்களை கவர்ந்து வருகிறார்.

ஜம்மு காஷ்மிர் மாநிலம் பராமுல்லா மாவட்டத்தை சேர்ந்தவர் சௌகத் அஹமது பர்ரே. மிகவும் பிற்படுத்தப்பட்ட மாவட்டத்தில் உள்ள கிராமத்தை சேர்ந்தவரான இவர், தனது பள்ளிப்படிப்பை அரசு பள்ளியில் முடித்தார். பின்னர் கால்நடை அறிவியல் மற்றும் கால்நடை வளர்ப்பு பிரிவில் மருத்துவ படிப்பை நிறைவு செய்த இவர் மக்கள் சேவையின் மீது கொண்ட ஆர்வத்தின் காரணமாக அரசு பணிகளில் சேர்வதற்க்கான முயற்சியில் இறங்கினார். இதனை தொடர்ந்து ஐ.ஏ.எஸ் அதிகாரிகளை தேர்ந்தெடுக்கும் யூ.பி.எஸ்.சி. தேர்வுக்கு ஆயத்தமாக துவங்கினார். ஏழை குடும்பத்தை சேர்ந்த இவருக்கு ஐ.ஏ.எஸ் பயிற்சி மையங்களில் சேர்ந்து படிக்க வசதியில்லாத காரணத்தால், தனியாக இந்த தேர்வுக்கான பயிற்சியில் ஈடுபட்டார்.

இரவு பகல் பாராமல் கடினமாக விடா முயற்சியோடு படித்த இவர் இந்திய அளவில் 256 வது இடத்தை பிடித்து ஐ.ஏ.எஸ் தேர்வில் வெற்றி பெற்றார். இதனை தொடர்ந்து பஞ்சாப் மாநிலத்தில் உள்ள சங்ரூர் மாவட்டத்தில் சப் டிவிஷனல் மஜிஸ்ட்ரேடாக நியமிக்கப்பட்டுள்ள இவர் நேர்மையான முறையில் மக்களுக்கு தனது துறையின் மூலமாக பல்வேறு உதவிகளை செய்து, மக்கள் மனதை கவர்ந்துள்ளார். இது குறித்து சௌகத் அஹமது கூறுகையில் காஷ்மிரில் உள்ள இளைஞர்கள் அனைவரும் ஒரே நோக்கத்தை கொண்டவர்கள் இல்லை, பல இளைஞர்கள் கல்வியிலும், சமுகத்திலும் தங்களை மேம்படுத்திக் கொள்வதற்காக கடினமான முறையில் உழைத்து வருகின்றனர் என்றார்.
Share on Google Plus

0 comments:

Post a Comment

வாசகர்களுக்கு ஓர் வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது எவருடைய மனதையும் புண்படுத்தாத வகையில் நாகரிகமான முறையில் உங்கள் கருத்துகள் இருக்க வேண்டும்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம் ஆனால் தனிப்பட்ட முறையில் எவரையும் விமர்சிக்காமல் கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும் அல்லது முற்றிலுமாக நிராகரிக்கப்படும்.