சுவையான வஞ்சிரம் (ஐகூறல் King Fish) மீன் கிரேவி செய்வது எப்படி?



தேவையான பொருட்கள் :

வஞ்சிரம் மீன் - 500 கிராம்,
சின்ன வெங்காயம், நாட்டுத் தக்காளி  - தலா 200 கிராம்,
பெரிய வெங்காயம், பூண்டு, புளி - தலா 100 கிராம்,
காய்ந்த மிளகாய் - 4,
கறிவேப்பிலை - சிறிதளவு,
நல்லெண்ணெய் - 100 மி.லி,
வெந்தயம் - சிறிதளவு
மிளகாய்த் தூள் - 1 ஸ்பூன்
கடுகு, சோம்பு - சிறிதளவு
மஞ்சள் தூள் -  அரை ஸ்பூன்
தனியா - 2 ஸ்பூன்
தேங்காய் துருவல் -  அரை கப்

செய்முறை :

* பெரிய வெங்காயத்தை அரைத்து விழுதாக்கிக்கொள்ளவும்.

* வஞ்சிரம் மீனை நன்றாக கழுவி சுத்தம் செய்து வைக்கவும்.

* புளியை கரைத்து வைக்கவும்.

* தேங்காயை மிக்சியில் போட்டு நைசாக அரைத்து கொள்ளவும்.

* சின்ன வெங்காயம், தக்காளியை பொடியாக நறுக்கி கொள்ளவும்.

* கடாயில் எண்ணெய் விட்டு, வெந்தயத்தைப் போட்டுப் பொரிக்கவும். வெந்தயம் பொரிந்ததும், கடுகு, சோம்பு மற்றும் வெங்காய விழுதைச் சேர்த்து வதக்கவும்.

* வெங்காயம் சிறிது வதங்கியதும் அதில் சின்ன வெங்காயம், பூண்டு, காய்ந்த மிளகாய், கறிவேப்பிலை சேர்த்து வதக்கவும்.

* பிறகு, மிளகாய்த் தூள், தனியா, மஞ்சள் தூள், நறுக்கிய தக்காளி சேர்த்து நன்கு வதக்கிய பின்னர், அரை டம்ளர் தண்ணீர்விட்டு வதக்கவும்.

* புளியைக் கரைத்து ஊற்றி, கலவை கிரேவியானதும், தேங்காயை அரைத்துச் சேர்க்கவும்.

* பிறகு, மீன் துண்டுகளை போட்டு, ஐந்து நிமிடங்கள் கொதிக்கவிடவும். இறக்கும் முன், கறிவேப்பிலை, கொத்தமல்லி சேர்க்கவும்.

* வஞ்சிரம் மீன் கிரேவி ரெடி.

பலன்கள்: எண்ணெயில் பொரிக்காமல், மீன்களை வேகவைத்துச் சாப்பிடுபவர்களுக்கு, மூளை செல்களின் வளர்ச்சி அதிகரித்து, நினைவு ஆற்றல் திறன் மேம்படும்.
Share on Google Plus

0 comments:

Post a Comment

வாசகர்களுக்கு ஓர் வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது எவருடைய மனதையும் புண்படுத்தாத வகையில் நாகரிகமான முறையில் உங்கள் கருத்துகள் இருக்க வேண்டும்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம் ஆனால் தனிப்பட்ட முறையில் எவரையும் விமர்சிக்காமல் கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும் அல்லது முற்றிலுமாக நிராகரிக்கப்படும்.