இ-பரிவர்த்தனை மூலம் விமான நிலைய பார்க்கிங் கட்டணம் வசூல்: 29-ந்தேதியில் இருந்து அமல்



இந்தியாவில் உள்ள அனைத்து விமான நிலைய பார்க்கிங் கட்டணங்கள் இனிமேல் இ-பரிவர்த்தனை மூலம் வசூலிக்கப்படும் என்று அறிவிக்கப்பட்டுள்ளது.


500 ரூபாய் மற்றும் 1000 ரூபாய் நோட்டுக்கள் செல்லாது என்று பிரதமர் மோடி அறிவித்தார். அதற்குப் பதிலாக புதிதாக 2000 ரூபாய் நோட்டு வெளியிடப்படும் என்று கூறினார்.

2000 ரூபாய் நோட்டுக்கள் வெளியிடப்பட்டு 500 ரூபாய் நோட்டுக்கள் திரும்ப பெற்றதால் சில்லறை தட்டுப்பாடு அதிக அளவில் ஏற்பட்டது. இதை சமாளிப்பதற்காக நாளை வரை (28-ந்தேதி) இந்தியாவில் உள்ள அனைத்து விமான நிலையத்தில் உள்ள பார்க்கிங்கில் பணம் வசூலிக்கப்பட மாட்டாது என்று இந்திய விமான நிலைய ஆணையம் (AAI) அறிவித்தது.

அதன்படி தற்போது விமான நிலையங்களில் பார்க்கிங் பணம் வசூலிக்கப்படவில்லை. இதேவேளையில் அனைவரும் பணம் கையில் வைத்து புழங்காத வகையில் டிஜிட்டல் முறைக்கு (அதாவது இ-பரிவர்த்தனை) மாற வேண்டும் என்று மத்திய அரசு கூறி வருகிறது.

மத்திய நிதியமைச்சரும், பொருளாதார விவாகாரத்துறை செயலாளரும் இதே கருத்தை வலியுறுத்தி வருகின்றனர். இதனால் கட்டண வசூலிக்கப்பட மாட்டாது என்ற அறிவிப்பு 28-ந்தேதி நள்ளிரவுடன் முடிவடைகிறது. அதன்பின் 29-ந்தேதியில் இருந்து இ-பரிவர்த்தனை மூலம் பார்க்கிங் பணம் வசூலிக்கப்படும் என்று ஏஏஐ அறிவித்ததுள்ளது.

கட்டண பணத்தை டெபிட்/கிரெடிட் கார்டுகள், பேடிஎம், ப்ரீ ரீசார்ச் மற்றும் பல்வேறு வகையான டிஜிட்டல் பணமாற்றம் மூலம் கட்டலாம் என்று அறிவித்துள்ளது.

இதன்மூலம் விமான நிலைய பார்க்கிங் இடத்தில் இனிமேல் இ-பரிவர்த்தனை மூலம் தான் பணம் செலுத்த முடியும் என்ற நிலை ஏற்பட்டுள்ளது.

Share on Google Plus

0 comments:

Post a Comment

வாசகர்களுக்கு ஓர் வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது எவருடைய மனதையும் புண்படுத்தாத வகையில் நாகரிகமான முறையில் உங்கள் கருத்துகள் இருக்க வேண்டும்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம் ஆனால் தனிப்பட்ட முறையில் எவரையும் விமர்சிக்காமல் கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும் அல்லது முற்றிலுமாக நிராகரிக்கப்படும்.