அமீரகத்தில் 7 DAYS பத்திரிக்கை சேவை இன்றுடன் நிறுத்தம் !



அமீரகத்தில் வருடந்தோறும் கடும் கோடைவெயில் வாட்டி வதைக்கும் ஜூன் 15 முதல் செப்டம்பர் 16 வரை வெளிப்புறங்களில் வெயிலில் வேலைசெய்யும் தொழிலாளர்களுக்கு கட்டாய ஓய்வு அமீரக அரசால் சட்டமியற்றப்பட்டு வழங்கப்படுகிறது. இந்த தொழிலாளர் நல சட்டத்தை அமீரக அரசு இயற்றுவதற்கும், அதை கடுமையாக கண்காணித்து பின்பற்றுவதற்கும் காரணமாக அமைந்தது 7 DAYS எனும் வாராந்திர ஆங்கில பத்திரிக்கை.

2004 ஆம் ஆண்டு தனது ஊழியர் ஒருவரை பரிசோதனை முயற்சியாக உச்சிவெயில் கொளுத்தும் நேரத்தில் சுமார் 1 மணிநேரம் பாலைவெயிலில் வேலை செய்ய வைத்து பின்பு அவரை மருத்துவமனையில் சேர்த்து அவரது உடல்நிலையை சோதித்து அதன் அறிக்கைகளை அமீரக அரசின் கவனத்தை பெறும்வகையில் பிரசுரித்து கொண்டு சென்றதை தொடர்ந்தே கடும் கோடைகாலங்களில் மனிதாபிமான அடிப்படையில் கட்டாய ஓய்வு வழங்கும் சட்டத்தை அமீரகம் உறுதியாக பின்பற்றத் துவங்கி அதை இன்றும் பாதுகாத்து வருகிறது.

இப்படி பல நல்ல விஷயங்களின் காரணகர்த்தாவாக விளங்கிய, கடந்த 2003 ஆம் ஆண்டு முதல் வெளிவரும் வாராந்திர ஆங்கில பத்திரிக்கையான 7 DAYS இன்று தனது 3,140 வது இறுதிப் பதிப்புடன் தனது பயணத்தை நிறுத்திக் கொள்வதாக அறிவித்துள்ளது.

பல்வேறு விஷயங்களையும் நினைவுகூர்ந்து அனைவருக்கும் நன்றி தெரிவித்துள்ள 7 DAYS பத்திரிக்கைக்கு நாமும் நன்றியோடு பிரியாவிடைதருவோம்.

Source: 7 Days
Share on Google Plus

0 comments:

Post a Comment

வாசகர்களுக்கு ஓர் வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது எவருடைய மனதையும் புண்படுத்தாத வகையில் நாகரிகமான முறையில் உங்கள் கருத்துகள் இருக்க வேண்டும்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம் ஆனால் தனிப்பட்ட முறையில் எவரையும் விமர்சிக்காமல் கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும் அல்லது முற்றிலுமாக நிராகரிக்கப்படும்.