துபாயில் 4 மாதங்களாக காருக்குள் 'வாழும்' பிரிட்டீஷ் பெண் !



இந்திய வம்சாவளியை சேர்ந்த 42 வயது பிரிட்டீஷ் பெண் ஒருவர் கடன் சுமையால் காருக்குள்ளே உறங்கி எழும் அவலம் வெளிச்சத்திற்கு வந்துள்ளது. ஒரு நேரத்தில் இவர் சுயமாக வேலைவாய்ப்பு நிறுவனம் ஒன்றை நடத்தி பலருக்கும் வேலைவாய்ப்புக்களை ஏற்படுத்தி தந்தவர் இன்று அவருக்கே வேலையின்றி தவிக்கின்றார்.

கடந்த செப்டம்பர் மாதம் துபையில் தான் நடத்தி வந்த வேலைவாய்ப்பு ஆலோசணை நிறுவனத்தை தொடர்ந்து நடத்த இயலாததால் மூடிவிட்டு மீண்டும் பிரிட்டன் திரும்புவதற்காக வந்தவரால் மீண்டும் திரும்ப இயலாத அளவிற்கு எதிர்பாராமல் ஏற்பட்ட கடன் சுமை.

கேன்சர் நோயாளி ஒருவரின் சிகிச்சைக்காக கொடுத்த கடன் 40,000 திரும்ப கிடைக்காத நிலையிலும், கார் வாடகை நிறுவனத்திற்கு செலுத்த வேண்டிய தொகை 10,000 திர்ஹத்திற்கு மேல் சென்று விட்டதாலும், வேலையோ வருமானமோ இல்லாததால் வீடு வாடகைக்கு எடுக்க இயலாததாலும், முறையான விசா இன்றி சட்ட விரோதமாக தங்கியுள்ளதால் செலுத்த வேண்டிய அபராதங்கள் ஒருபுறம் வளர்ந்து கொண்டுள்ள நிலையிலும், பலமுறை உதவிய நண்பர்களும் ஒரு கட்டத்திற்கு மேல் அவரது போனையே எடுக்காமல் தவிர்க்கும் நிலை உருவானதாலும் காரே கதியென ஆகிப்போனது அவரது வாழ்க்கை.

கச்சா பார்க்கிங்குகளில் காரை நிறுத்திவிட்டு காருக்குள்ளேயே உறங்கும் இந்தப்பெண் உடை மாற்றவும் சுகாதாரத்திற்கும் ஹோட்டல் பாத்ரூம்களையே பயன்படுத்தி வந்துள்ளார்.

இந்த கடினமான நிலையில் அவர் வேண்டுவதெல்லாம் மனித வளத்துறையில் அல்லது விற்பனையாளராக அல்லது பயிற்சியாளராக வேலை ஒன்றே, வேலை கிடைத்தால் என்னுடைய கஷ்டநிலையிலிருந்து மீண்டு விடுவேன் என தன்னம்பிக்கையுடன் பேசுகிறார்.

ஆண்களே தடுமாறும் இத்தகைய சோதனை நிலையை ஒரு பெண் அனுபவித்துக் கொண்டுள்ளது மிக மிகத் துயரமானதே.

Source; News Xpress (Gulf News)
Share on Google Plus

0 comments:

Post a Comment

வாசகர்களுக்கு ஓர் வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது எவருடைய மனதையும் புண்படுத்தாத வகையில் நாகரிகமான முறையில் உங்கள் கருத்துகள் இருக்க வேண்டும்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம் ஆனால் தனிப்பட்ட முறையில் எவரையும் விமர்சிக்காமல் கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும் அல்லது முற்றிலுமாக நிராகரிக்கப்படும்.