அமெரிக்காவில் அதிரை மாணவருக்கு 'நன்னடத்தை விருது' வழங்கி கெளரவிப்பு !



தஞ்சாவூர் மாவட்டம், அதிராம்பட்டினம் செக்கடித்தெருவை சேர்ந்தவர் எஸ்.எம்.எஸ் அஷரப் அலி. அமெரிக்காவில் கலிபோர்னியா மாகாணத்தில் குடும்பத்தினருடன் வசித்து வருகிறார். இவரது மகன் முஹம்மது ஆஷிக் (வயது 17). இவர் பேர் பீல்ட் பகுதி பள்ளியில் உயர்கல்வி பயின்று வருகிறார்.

பேர் பீல்ட்-சூசன்- கார்டிலியா ரோட்டரி கிளப் சார்பில் சாதனை நிகழ்த்திய 21 இளம் மாணவர்களுக்கான சேவை விருது வழங்கி கெளரவிக்கும் விழா வெள்ளிக்கிழமை இரவு நடைபெற்றது. இதில் அதிராம்பட்டினத்தை சேர்ந்த முஹம்மது ஆஷிக் மாணவருக்கு சிறந்த 'நன்னடத்தை விருது' வழங்கி கெளரவிக்கப்பட்டது. விருது பெற்ற மாணவரை பள்ளி ஆசிரியர்கள், பெற்றோர், உறவினர்கள், நண்பர்கள் பாராட்டி வாழ்த்து தெரிவித்து வருகின்றனர்.

நன்னடத்தை விருது பெற்றது குறித்து மாணவர் முஹம்மது ஆஷிக் கூறுகையில்;
நான் கடந்த 3 ஆண்டுகளாக அமெரிக்கா கலிபோர்னியா மாகாணத்தில் எனது பெற்றோருடன் தங்கிருந்து கல்வி பயின்று வருகிறேன். நன்னடத்தை விருது பெற்றது எனக்கும், எனது பெற்றோருக்கு, நான் பிறந்த மண்ணிற்கு சிறப்பை தருகிறது. எல்லாப் புகழும் இறைவனுக்கே.... தற்போது பொலிட்டிகல் சயின்ஸ் பாடம் படித்து வருகிறேன். எதிர்காலத்தில் ஏரோனாட்டிக்கல்ஸ் இன்ஜினியரிங் படிக்க திட்டமிட்டுள்ளேன்' என்றார்.




Share on Google Plus

0 comments:

Post a Comment

வாசகர்களுக்கு ஓர் வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது எவருடைய மனதையும் புண்படுத்தாத வகையில் நாகரிகமான முறையில் உங்கள் கருத்துகள் இருக்க வேண்டும்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம் ஆனால் தனிப்பட்ட முறையில் எவரையும் விமர்சிக்காமல் கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும் அல்லது முற்றிலுமாக நிராகரிக்கப்படும்.