திருச்சி விமான நிலையத்தில் பயணிகளின் வருகை அதிகரிப்பு !



திருச்சி விமான நிலையத்தை பயன்படுத்தும் பயணிகளின் எண்ணிக்கை கடந்தாண்டைவிட அதிகரித்துள்ளது.

திருச்சி சர்வதேச விமான நிலையத்திலிருந்து இலங்கை, சார்ஜா, துபை, சிங்கப்பூர், மலேசியா ஆகிய நாடுகளுக்கு நேரடிப் போக்குவரத்தும், மேலும் பிற நாடுகளுக்கு மாற்று விமானப் போக்குவரத்தும் நடைபெற்று வருகிறது.
திருச்சியில் விமான ஓடுதளம் நீட்டிப்பு செய்யப்படாத காரணத்தால், பல வெளிநாட்டு விமான நிறுவனங்கள் திருச்சியில் போக்குவரத்தை தொடங்க முடியாத நிலையில் உள்ளன. ஆனாலும், பயணிகள் போக்குவரத்திலும், சரக்குகள் கையாள்வதிலும் திருச்சி விமான நிலையம் தொடர்ந்து முன்னேறி வருகிறது.

தினசரி சுமார் 4,500 வெளிநாட்டுப் பயணிகள் திருச்சிக்கு வருகின்றனர். இதன்படி, 2015-16 நிதியாண்டில் திருச்சி விமான நிலையத்தை பயன்படுத்திய வெளிநாட்டு பயணிகளின் எண்ணிக்கை 11,49,775. உள்நாட்டுப் பயணிகள் எண்ணிக்கை 1,47,437.

2016-17-ம் ஆண்டில் வெளிநாட்டு பயணிகள் 11,90,577 பேரும், உள்நாட்டுப் பயணிகள் 1,69,097 பேரும் பயன்படுத்தியுள்ளனர். அதாவது, வெளிநாட்டு பயணிகள் 40,802 பேரும், உள்நாட்டுப் பயணிகள் 21,660 பேரும் கூடுதலாக பயன்படுத்தியுள்ளனர் என இந்திய விமான நிலைய ஆணையக் குழும புள்ளிவிவரங்கள் தெரிவிக்கின்றன.

சார்ஜா விமானம் மீண்டும் அறிமுகம், ஏர்கார்னிவெல் உள்நாட்டு விமானப் போக்குவரத்து, ஜெட் ஏர்வேஸின் கூடுதல் போக்குவரத்து உள்ளிட்டவையே பயணிகள் எண்ணிக்கை அதிகரிப்புக்கு முக்கிய காரணமாக சுட்டிக் காட்டப்படுகிறது.

நிலையத்தில் விமான ஓடுதளம் நீட்டிக்கப்பட்டால், பயணிகளின் எண்ணிக்கை மேலும் அதிகரிக்கும் என எதிர்பார்க்கப்படுகிறது.
விமானப் போக்குவரத்து குறித்து ஆய்வு மாணவர் உபதுல்லா கூறியது: நீண்ட நாட்களாக கிடப்பில் போடப்பட்டுள்ள ஓடுதள நீட்டிப்பு தடை காரணமாக, ஏர் அரேபியன், சில்க் ஏர்வேஸ் உள்ளிட்ட பல்வேறு வெளிநாட்டு விமான நிறுவனங்களால் திருச்சியில் கால் பதிக்க இயலவில்லை. ஓடுதளம் நீட்டிக்கப்பட்டால், திருச்சி விமான நிலையத்தில் பயணிகள் வளர்ச்சி மிக மிக அதிகளவில் இருக்கும். அதுபோலவே சரக்குப் போக்குவரத்திலும் பிரத்யேக விமானங்கள் இல்லாத நிலையிலும் பயணிகள் விமானங்கள் மூலமே மாதம் 4,500 டன்களுக்கும் அதிமாக சரக்குகள் ஏற்றுமதி செய்யப்படுகின்றன என்றார்.

நன்றி: தினமணி

Share on Google Plus

0 comments:

Post a Comment

வாசகர்களுக்கு ஓர் வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது எவருடைய மனதையும் புண்படுத்தாத வகையில் நாகரிகமான முறையில் உங்கள் கருத்துகள் இருக்க வேண்டும்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம் ஆனால் தனிப்பட்ட முறையில் எவரையும் விமர்சிக்காமல் கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும் அல்லது முற்றிலுமாக நிராகரிக்கப்படும்.