சவூதியில் மந்திரிசபையில் மாற்றம்; மீண்டும் போனஸ் அறிவிப்பு !



இரு புனிதப் பள்ளிகளின் பாதுகாவலர் சவுதி அரேபிய மன்னர் சல்மான் அவர்கள் சனிக்கிழமை மந்திரிசபையில் மாற்றங்கள் செய்ததுடன் நிறுத்தப்பட்டிருந்த போனஸ் மற்றும் இதர நிதிச்சலுகைகளை மீண்டும் வழங்குதல் உட்பட பல அதிரடி உத்தரவுகளை பிறப்பித்தார்.

கடந்த 2016 ஆம் ஆண்டு செப்டம்பர் மாதம் 26 ஆம் தேதி நடைபெற்ற மந்திரிசபை கூட்டத்தில் எடுத்த முடிவுகளின்படி, அனைத்து விதமான நிதிச்சலுகைகள், போனஸ்கள் யாவும் ரத்து செய்யப்பட்டிருந்தன. இவை அனைத்தையும் மீண்டும் வழங்கவும், ஏமன் போர்முனையில் பணியாற்றும் வீரர்கள் உட்பட அனைவருக்கும் சிறப்பு நிதியாக 2 மாத சம்பளத்தை வழங்கவும் உத்தரவிட்டுள்ளார்.

மந்திரிசபையில் சில மாற்றங்கள் செய்தும், புதிய அமைச்சர் மற்றும் 5 துணை அமைச்சர்களை நியமனம் செய்தும், பிரதேச கவர்னர்னகள் என அழைக்கப்படும் பல அமீர்கள், துணை அமீர்களை மாற்றியும், அமெரிக்காவுக்கான புதிய தூதரை நியமித்தும், பல்வேறு துறைகளின் தலைவர்கள் மற்றும் இதர நிர்வாகிகளை மாற்றியும் உத்தரவு பிறப்பித்துள்ளார்.

மேலும், புனிதமிகு ரமலான் மாதம் துவங்கு முன்னர் பல்கலைகழகங்கள் உட்பட அனைத்துவகை கல்வித்தேர்வுகளையும் நடத்தி முடிக்கவும் உத்தரவிட்டுள்ளார்.

விரைவில் வெளிநாட்டு தொழிலாளர்களுக்கும் நல்ல செய்திகள் கிடைக்கவும், ஹஜ் உம்ரா விசா கட்டணங்கள் ரத்து செய்யப்படவும் வழிகாண மன்னர் முன்வர வேண்டும் என பிரார்த்திப்போம்.

Source: Saudi Gazette
Share on Google Plus

0 comments:

Post a Comment

வாசகர்களுக்கு ஓர் வேண்டுகோள் :

1. செய்திகள் குறித்த கருத்துக்களைப் பதிவு செய்யும்போது எவருடைய மனதையும் புண்படுத்தாத வகையில் நாகரிகமான முறையில் உங்கள் கருத்துகள் இருக்க வேண்டும்.

2. ஏற்கனவே பதிவு செய்யப்பட்ட கருத்துகளையும் விமர்சிக்கலாம் ஆனால் தனிப்பட்ட முறையில் எவரையும் விமர்சிக்காமல் கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும் அல்லது முற்றிலுமாக நிராகரிக்கப்படும்.